17 / 92
15
6: Manny da Costa skets ‘n agtergrond van die boerdery.
7: Die voerkraal op Manjoh Ranch.
8: Manny da Costa gesels met die produsente oor hulle
boerdery.
9: Mielies word gestroop.
10: Die veehanteringsfasiliteite word van nader bekyk.
11 en 12: Die verwerkingsaanleg.
13: Sojaboonproewe.
14 en 15: ‘n Groepfoto van die Wes-Kaap graanprodusente wat
‘n besoek aan die plaas op Nigel gebring het.
16: Die Wes-Kapenaars verstom hulle aan die mielies in
die noorde.
15
16
N
á net meer as agt jaar by Graan SA, groet mnr Wessel
Lemmer (senior ekonoom: Bedryfsdienste) die organisa-
sie. Lemmer sluit hom op 1 Mei by Absa Agribesigheid
aan as bestuurder: Landbou-inligting, waar die ontleding
en monitering van risiko’s in die landboubedryf onder meer ‘n deel
van sy pligte gaan uitmaak.
Loopbaanpad
Nadat Lemmer by Kovsies afstudeer het en onderskeidelik by die
Departemente Landbouweerkunde en Landbou-ekonomie werk-
saam was, het hy ‘n betrekking as dosent by die Landboukollege in
Potchefstroom aanvaar.
“Dit was tydens die koms van die vrye mark. ‘n Opwindende tydperk
het in ons bedryf se geskiedenis gevolg waartydens ek in same-
werking met NAMPO, ‘n kort kursus in verskansing ontwikkel het.
‘n Geleentheid het by NWK ontstaan om die maatskappy se graan-
bemarkingsinligtingsfunksie te bestuur. Ná ‘n oproep uit die Wes-
Kaap, was ek vir ‘n tydperk by Kaap Graan as handelaar betrokke
en daarna as landbou-ekonoom by Elsenburg. Ek het hier op aspek-
te uit die wintergraanbedryf en markprysinligting gefokus,” ver-
tel Lemmer.
Loopbaanhoogtepunte by Graan SA
“Ek het die voorreg gehad om onder die voorsitterskap van mnre
Neels Ferreira en Louw Steytler en visevoorsitter Andries Theron
by Graan SA te kon dien. Behalwe dat dit as sodanig ‘n hoogte-
punt was om by Graan SA werksaam te wees, was dit leersaam om
uit die werkswyses van landbou-ekonome en kollegas, soos
drs Kit le Clus, John Purchase, Kobus Laubscher en mnre Nico
Hawkins en Jannie de Villiers te kon leer.
“Graan SA is ‘n werkgewer wat jou toerus en aan jou geleenthede
bied om direk vir produsente en indirek vir die breër samelewing
diensbaar te kan wees. Dit was dus ‘n besonderse ervaring om ‘n
direkte bydrae tot graanprodusente se mark- en beleidsomgewing
te kon maak,” het Lemmer gesê. “Ek sal die noue interaksie met ons
graan- en oliesadeprodusente mis.”
Koster Ster
Tydens die jaarlikse Graan SA Kongres word die Koster Ster-toeken-
ning deur die Koster-produsente gemaak vir die beste reeks artikels
in
SA Graan/Grain
. Dit is interessant dat Lemmer dié toekenning die
jaar nadat hy by Graan SA begin werk het, ontvang het vir sy artikel-
reeks oor die biobrandstofbedryf. Vanjaar het hy die toekenning
weer ontvang vir ‘n reeks artikels rakende die omvang en impak van
die droogte.
“Wessel was ‘n groot staatmaker in ons span,” het de Villiers (uit-
voerende hoofbestuurder: Graan SA) gesê. Namens die
SA Graan/
Grain
redaksie sê ons ook baie dankie aan Lemmer vir sy gereel-
de bydraes aan die tydskrif. Voorspoed vir sy loopbaan word hom
toegewens.
ESTIE DE VILLIERS,
redakteur:
SA Graan/Grain
Wessel verskuif sy horison
Wessel Lemmer