73 / 76
71
Baie waarde in die nuwe Sportage-pakket
– padindrukke: Kia Sportage 2.0 AWD CRDi AUTO
d
ie Sportage is Kia se deelnemer in die hoogs kompe-
terende, kompakte, sportiewe nutsvoertuig (SNV) mark.
Daar is tien modelle in die reeks, met die Explore-
weergawe as die topmodel.
Die reeks begin met ‘n handrat en voorwielaangedre-
we 2 liter-petrolenjinweergawe teen ‘n prys van R328 995. Maak
hom vierwielaangedrewe, sit ‘n outomatiese ratkas in, vervang die
petrolenjin met ‘n uiters kragtige en spaarsamige 2 liter-dieselenjin
asook ‘n wye reeks waardetoevoegings daarby en dit bring jou by
die Explore-model wat R471 995 kos.
Sny bietjie die luukses, soos die navigasiestelsel en die kant-
trappe, wat as standaard in die Explore-model kom, dan kry jy
vir ongeveer R39 000 minder, die Sportage AWD CRDi Auto vir ‘n
baie billike R432 995. Só billik dat jy R80 000 méér vir een van die
kompeteerders sal moet betaal, om ongeveer dieselfde spesifikasie-
vlakke te kan verkry as met die Sportage AWD CRDi Auto – kompe-
teerders soos die Honda CR-V en Toyota RAV4.
Die tien verskillende modelle dek die hele spektrum van behoeftes
wat die koper van ‘n sportiewe nutsvoertuig mag benodig. Daar
is keuses tussen outomaties en handrat, tussen tweewiel- en
vierwiel-aangedrewe en tussen ‘n petrol- en dieselenjin. Die finale
keuse gaan wees of jy eerder die Explore-model gaan neem, om-
dat dit besonder goed toegerus is om ook vir veldrytoestande kans
te sien.
SA Graan/Grain
het die top 2 liter-vierwielaangedrewe, outoma-
tiese CRDi-model sonder die Explore-pakket getoetsbestuur. Die
AWD CRDi is vir R12 000 minder teen R420 995 ook in ‘n handrat
beskikbaar, maar die Sportage AWD CRDi Auto-toetsvoertuig se
sesspoed outomatiese ratkas het so seepglad oorgeskakel en
gesorg dat daar altyd genoeg wringkrag is, dat ‘n mens eerder vir die
outomaties moet gaan.
Sy 1995cc CRDi-enjin het ‘n kraglewering van 130 kW teen 4 000 r/
min en ‘n wringkrag van 392 Nm tussen 1 800 en 2 500 r/min.
Honda se CR-V 2.2i-DTEC AWD en Toyota se RAV4 2.2D-4D AWD
het beide wel groter dieselenjins as die Kia Sportage se CRDi
(onderskeidelik 204 cc en 236 cc meer), maar die Kia lewer 20 kW
meer krag en ongeveer 50 Nm meer wringkrag. Nie net kos die
Kia Sportage AWD CRDi minder as sy kompeteerders nie, maar dit
is ook kragtiger en beter toegerus.
‘n Uiters ekonomiese voertuig is dit ook. Die amptelike brand-
stofverbruik van die outomatiese Sportage AWD CRDi is 7,4 liter/
100 km met ‘n brandstof-reikwydte van 743 km.
SA Graan/Grain
kon op verskillende ry- en padtoestande langs die kus ‘n baie
bevredigende 7,8 liter/100 km bereik. Nog ‘n pluimpie vir hierdie
enjin is dat dit besonders stil loop. ‘n Pluspunt van die Sportage
gemeet teen sy SNV-kompeteerders, is die feit dat hy beter kan
klou omdat hy groter voete het. Sy 18 duim wiele is met 235/55
rubber bedek. Die binneruim is besonders gerieflik. Hoofsaaklik
te danke aan die slim binne-uitleg van die sitplekke en konsoles.
Vyf mense sal goed inpas.
Die Sportage AWD CRDi Auto is ‘n gerieflike, kragtige en spaar-
samige SNV. Op papier maak die syfers sin. Dit is ‘n uitstekende
koop as jy die kompakte SNV-klas wil uitprobeer.
GERRIE SMIT,
lid van die SA Motorskrywersgilde
WIELE
vir die plaas
Die Kia Sportage 2.0 AWD CRDi AUTO Explore. Dit spog onder andere met ‘n navigasiestelsel.
February 2015