12 / 44
ALZENA GOMES,
skakelbeampte: Graan SA
LEDE-LANDSKAP
‘n 180°-blik op ons lede en tak-akt iwiteite
Word só maklik lid van Graan SA
g
raan SA is ‘n outonome bedryfsorganisasie wat in belang
van die graanprodusent in Suid-Afrika optree. Lidmaatskap
is onderworpe aan ‘n vrywillige bedryfsheffing.
Enige produsent wat graan produseer, kan lid van
Graan SA word deur ‘n magtigingsvorm te voltooi. Met die vorm
magtig jy as produsent die betrokke agent om ‘n heffing van die
bedrag aan jou verskuldig, af te trek en aan Graan SA oor te betaal.
Na ontvangs van die magtigingsvorm stuur Graan SA die vorm aan
die invorderingsagent waar lewering van graan gaan plaasvind en
word jy op Graan SA se databasis geregistreer.
Vir meer inligting kontak Dirk Kotzé by 082 492 3313 of
dirk@
grainsa.co.za
.
DIRK KOTZÉ,
ledebemarking en kommunikasiebeampte: Graan SA
Graan SA/Sasol fotokompetisie
– Hetty Steyn 2012
Skandeer dié QR-
kode om die vorm
aanlyn in te vul.
Desember 2016
10
Insette van oudleiers hoog aangeskryf
I
s dit nie ironies dat Graan SA in ‘n geskiedkundige droogte-
jaar die geskiedenisprojek afgehandel het nie? Dit het die ge-
leentheid geskep om mense net weer te herinner waar ons
vandaan kom en wat produsente en die organisasie in die verlede
al deurgemaak het en om weer ‘n slag oor ons
roots
te gesels.
Só gesels mnr Jannie de Villiers, Graan SA se uitvoerende hoof-
bestuurder, oor die organisasie se geskiedenisprojek wat in Julie
vanjaar in elektroniese boekformaat op die webtuiste bekend ge-
stel is. Dié e-publikasie, met die titel
Die Graan en Oliesadebedryf
van Suid-Afrika – ‘n Reis deur Tyd
, se samestelling het oor ‘n tyd-
perk van nagenoeg twee jaar plaasgevind.
“Die navorsingsproses het onder andere bestaan uit sowat 37
onderhoude met prominente rolspelers uit die bedryf,” het
mnr Nico Vermaak, bestuurder: Korporatiewe Dienste, Graan SA én
koördineerder van die projek, gesê. Die outeur, mnr David Theron,
het onder andere met oudleierskap en uitgetrede amptenary on-
derhoude gevoer. Hy sê dit was byvoorbeeld ‘n voorreg om per-
soonlik met ‘n strydros soos mnr Boetie Viljoen, eertydse voorsitter
van NAMPO, te kon gesels oor die veelbesproke besoek aan
staatspresident PW Botha in 1985.
“Graan SA bedank elke rolspeler, individu en medewerker vir
hulle insette en tyd spandeer om die geskiedenisprojek moontlik
te maak. Dit was ‘n spesiale voorreg dat elkeen van die oudleiers
wat die bekendstellingsgeleentheid op 26 Julie op NAMPO Park
bygewoon het, ook deel uitgemaak het van die projek om die
graan- en oliesadebedryf se verhaal op te teken,” het De Villiers aan
SA Graan/Grain
gesê.
‘n Geskiedkundige oomblik in eie reg. Jaco Minnaar, voorsitter van
Graan SA (heel regs), deel die vloer met ses oudgraanvoorsitters tydens
die bekendstelling van die geskiedenisboek. Van links: Boetie Viljoen,
Cerneels Claassen, Japie Grobler, Bully Botma, Neels Ferreira en
Louw Steytler.
JOHAN SMIT,
besturende redakteur:
SA Graan/Grain