NAMPO 2019

136 / 140

134
Graan|Grain
AKTUEEL
As produkte van egte katoen, leer, hout, wol of kurk op jou lysie is,
kan jy in die Sampi-saal inloer by Inspired by Cotton, Katy Kruger se
handgemaakte leerprodukte en Leefi Haute Design vir handsakke
van natuurlike kurk. Gys Leerwerke is in die Caltex-verlenging en
die wolprodukte van The Alpaca Loom in die Hopefield-saal.
Bez Creations in die Sampi-saal se anneks bring houthorlosies,
sonbrille en ander items na die Oesdag.
Indien jy besluit het om in 2019 meer aktief te wees, kan jy in die
Santam-saal by Hi-Tec Sport Distributors gaan soek na klere en
skoene óf ’n paar nuwe sokkies by Let’s talk about sox in die
Caltex-saal.
Uit en tuis
Of jy nou iets soek vir die vloere, mure, slaapkamer of die kombuis
van jou huis, jy gaan dit beslis by een van die meer as 30 uitstallers
van huishoudelike items vind.
Anatolian Carpet Gallery se Oosterse matte en kelims is al vir jare
deel van die uitstallers in die Nampo-saal.
Die Hopefield-saal huisves die meeste van die kunsuitstallings,
maar voor jy koop, loer ook in by Annie’s Art in die Sampi-saal se
anneks. Oorspronklike Nic van Rensburg-skilderye en bronsbeelde
van wild is in die WRSA-uitstalruimte, wat verlede jaar sy deure ge­
open het, te sien.
Vir die slaapkamer bied Emberdown en Makoti donsprodukte.
Beddegoed en kwilte kan by La Broderie in die Hopefield-saal en
Hartsgoed in die Sampi-saal se anneks uitgesoek word.
As jy op soek is na nuwe meubels, loer in by Beetroot INC (Sampi-
saal), Moredou Interiors (Santam-saal) en by De Kaap Meubels
(Hopefield-saal) vir egte swarthoutmeubels. Op soek na meubels
vir jou stoep? Gaan groen met Green Plastic Wood gemaak van
100% herwinde plastiek, beskikbaar by een van die buite-uitstal­
ruimtes.
Vir ander huisversierings en soortgelyke produkte besoek die
Sampi-saal se anneks waar Boerevintage, Goeters en Kailee Decor
uitstal. Dalk is die nuwe uitstaller, Gypsyloves in die Sampi-saal, se
dekorprodukte waarna jy op soek is of stap rustig deur die NAMPO-
of Hopefield-sale totdat iets jou oog vang.
Iets vir iemand anders
Indien jy al die items op jou eie lysie reeds ingepak het, is daar dalk
nog tyd tot jou beskikking om die laaste sente op jou geliefdes te
spandeer.
Vir die kleinspan is daar onder andere die immergewilde draad­
karre by Africars for keeps en die ATKV se oulike boekies in die
NAMPO-saal, die Eco Punk Kids-klerereeks in die Sampi-saal se
anneks en Gladys Els se miniatuurplaasimplemente in die Caltex-
saal.
Bederf jou suster of vriendin met ’n geskenk van Ama-Awesome
of Streepsak in die Sampi-saal se anneks, Matsimela se geurige
badprodukte in die Sampi-saal of ’n unieke KOKA Laser Artistry-
item in die Hopefield-saal.
Spoor iets vir manlief se volgende verjaarsdag op in die Liqui
Moly-saal wat oorkant die NAMPO-saal geleë is. Boerboel Wear
se klerereeks is hier verkrygbaar. Kampeertoerusting sal jy vind by
Canvas and Tent in een van die buite-uitstalruimtes.
Wees verseker dat hierdie inkopie-ervaring terapeuties sal wees – of
jy nou NAMPO toe kom om net met die oë te koop óf om alles op
jou inkopielys in te pak.
>
Verwyl jou ure by dié unieke inkopieruimte
Of jy dekoritems, klere of geskenke soek: Jy gaan dit beslis by een van die meer as
30 uitstallers van huishoudelike items vind. Sowat 12% van die uitstalruimtes is gemik
op die behoeftes van vroulike Oesdagbesoekers.