SA Graan NAMPO 2018

113 / 120

< 111
AKTUEEL
NAMPO 2018
SA Graan/Grain redaksiespan
Van die inskrywings
tydens verlede jaar se
Boerepatentekompetisie.
VOLGENS DIE BRON Wikipedia het Thomas
Edison gedurende sy lewe 1 093 patente ge-
registreer – meer as enige ander uitvinder in
die geskiedenis. Hy is veral bekend vir die
uitvinding van die gloeilamp en gepaard-
gaande elektrisiteitsvoorsieningstelsels. Sy
lewensfilosofie was dat genialiteit 1% inspira-
sie en 99% perspirasie is. Hy het ook bydraes
gelewer op militêre en mediese gebied – en
selfs ‘n invloed op die myn- en aandelebedryf
gehad. Dalk het hy die landboubedryf maar
liefs oorgelaat aan dié deelnemers wat jaar-
liks inskryf vir die Graan SA/Omnia Boere-
patentekompetisie!
Wat is ‘n boerepatent?
Die gesegde, ‘n boer maak ‘n plan, som eint-
lik die doel van hierdie kompetisie perfek op.
Produsente moet soms innoverend dink en met
interessante idees vorendag kom om sekere
take op die plaas te vergemaklik.
‘n Boerepatent is daarom ‘n oorspronklike toe-
stel of toerusting wat deur ‘n individu ontwerp
en gebou is om in ‘n behoefte waaraan
bestaande toerusting nie voldoen nie, aan te
spreek. Die item wat ingeskryf word vir dié
kompetisie en tydens die duur van die Oesdag
daagliks gedemonstreer word, mag nie gepa-
tenteer wees nie. Deelnemers se slim planne
mag deur ander produsente op hulle plase
nageboots en gebruik word. Jou idee word dus
almal se hulpmiddel.
Daar is deelnemers wat al jare lank vir die
kompetisie inskryf en steeds met ‘n nuwe plan
na die tafel kom. Volgens mnr Chris Schoon-
winkel (Graan SA-hoofbestuurslid) is hulle
elke jaar verbaas oor hoe ver die kompetisie
strek – met gereelde inskrywings van sover
soos Botswana.
Deelnemers kan vir die volgende kategorieë
inskryf:
 Masjinerie, implemente en landboutoerus-
ting: Nuut of gemodifiseer/aangepas. Die
uitvindsel of patent moet van die nuutste
tegnologie gebruik maak om boerdery te
vergemaklik.
 Gereedskap: Nuut of gemodifiseer/aange-
pas. Dit sluit in enige uitvindsel wat betrek-
king het op landbouwerkswinkels.
 Huishoudelike en tuintoerusting: Nuut of
gemodifiseer/aangepas. Dit sluit patente,
wat ‘n verskil in en om die huis maak, by-
voorbeeld elektriese toerusting of produkte
wat vroue inskryf, in.
 Ope afdeling: Enigiets nie hierbo gelys nie,
maar wat betrekking het op die verbetering
van landbou/landboubestuur op graan- en
veeplase. Iets soos byvoorbeeld rekenaar-
en bestuursprogramme, programmatuur,
moderne tegnologie en rekenaarstelsels
vir presisieboerdery.
 Skoliere: Enige leerling wat 18 jaar of
jonger is en by ‘n primêre of sekondêre
onderriginstelling ingeskryf is.
 Studente: Enige leerling wat 18 jaar of ouer
is en wat ‘n tersiêre onderriginstelling in-
geskryf is.
Die beoordelingsproses
Alle patente moet teen sluitingstyd, naamlik
Maandagmiddag, 14 Mei 2018, om 14:00
op die standplaas by NAMPO Park wees. Die
beoordeling word op Dinsdagoggend, 15 Mei,
van 09:00 tot 12:30 gedoen. Die span
beoordelaars bepaal of die inskrywing in sy
doel slaag en kyk na die netheid en doeltref-
fendheid van die inskrywing.
Die vier Graan SA-beoordelaars is produsente:
Mnre WH van Zyl van Wesselsbron, Hannes
Haasbroek van Bloemfontein, Andries Theron
van Moorreesburg en Chris Schoonwinkel van
Wesselsbron/Hoopstad.
Omnia is die afgelope 30 jaar betrokke by dié
kompetisie en as hoofborg skenk hulle jaarliks
‘n minimum van R50 000 as prysgeld. Vier
Omnia-verteenwoordigers, naamlik mnre Piet
Groenewald, Henning Botes, Donald Brink
en Derrick Wessels vorm ook deel van die
beoordelingspan. Al word die wenners van die
verskillende kategorieë direk ná die beoorde-
ling aangekondig, vind die prysuitdeling eers
op Donderdag, 17 Mei, om 12:00 plaas.
Tegnologie word ingespan
Indien ‘n deelnemer se patent van so ‘n aard
is dat dit nie vooraf vervoer kan word nie, mag
‘n DVD of video-opname daarvan ingestuur
word of op YouTube gelaai word. Die opnames
sal dan op die skerms by die Boerepatente ver-
toon word. Studente en skoliere wat inskryf en
wat weens skoolverpligtinge nie by NAMPO
Park kan wees nie, mag ook per e-pos inskryf.
Vir meer inligting, kontak Schoonwinkel by
082 492 7308 of
Groenewald by 082 202 5947 of piet.
en Wim Venter
(Oesdagbeampte) by 086 004 7246 of
Inskrywingsvorms is ook
beskikbaar by Graan SA se kantoor of op
bladsy 112 van hierdie uitgawe.
Volgens Edison het jy ‘n goeie verbeelding en
‘n hoop rommel nodig om iets te ontwerp. Dit
is onseker of die deelnemers aan dié kompeti-
sie en die besoekers wat by een van die gewild-
ste besoekpunte tydens die NAMPO Oesdag
aandoen, sal saamstem met dié stelling. Kom
besluit gerus self wat dink jy van hierdie vin-
dingryke entrepreneurs, ingenieurs en uit-
vinders se innoverende skeppings. 
Graan SA/Grain SA
Inspirasie en perspirasie
= Boerepatente