6 / 116
4
n
a afloop van my onlangse besoek aan die VSA, wil ek
graag ‘n paar stellings oor my waarnemings maak. In
kort kom dit daarop neer dat die Suid-Afrikaanse graan-
produsente betreklik meer as hul Amerikaanse eweknieë
van die ontwikkeling van nuwe tegnologie afhanklik is.
By die plase wat ons besoek het en uit gesprekke met mense by
die Farm Progress Show, blyk dit dat die klimaat en regeringshulp
die belangrikste redes is waarom die produsente steeds in produk-
sie bly – meer as die tegnologie wat hulle gebruik. Die grond is vrug-
baar, die reënval uitstekend en as daar dalk iewers ‘n verdwaalde
jaar kom, koop die regering hulle uit.
Ek het ook iets van die Agri SA-droom daar gesien – eenheid oor
landbou (
unity about agriculture
). Die mense waardeer hul produsen-
te. Net so het ek ook gesien hoe hulle in die samelewing tyd en
plek maak om hul gewapende magte te vereer.
Tydens ‘n rustyd by die voetbalwedstryd wat ons een aand gekyk
het, het al die mense opgestaan en vir ‘n hele lang ruk hande
geklap vir ‘n soldaat wat op tuisbesoek was en wat op die een hoek
van die veld kom staan het. Dit het my herinner aan die tyd toe
ons met vol uniform op pas was en ook so kerk toe gegaan het.
Almal het vir jou gebid en kom sterkte sê.
Aan die klimaat kan ons nie veel doen nie, maar om die regering
en die land se mense agter ons te kry, kan ons beslis iets doen. Dit
het met ons harte te make. Weens die felheid van ons klimaat speel
tegnologie – tans en ook vir die toekoms – ‘n groter en belangriker
rol. Van die produsente wat ons besoek het, is glad nie besorgd oor
die droogtebestandheid van mielies nie. Hulle het meer versuip-
skade as droogteskade!
Dit laat ‘n mens wonder teen watter spoed die tegnologie wat ons
benodig, beskikbaar raak. Met my beperkte kennis van al die produk-
sietegnieke en bewerkings, is ek sterk onder die indruk gelaat dat
van die nuwe tegnologie wat tans ontwikkel word, in betreklik kleiner
inkremente vorder as waaraan ons vantevore gewoond was.
Almal vlieg deesdae hommeltuie (
drones
) rond, maar die tegnolo-
gie waarmee die beelde in data omgeskakel word en wat ons as
produsente kan gebruik om meer produktief te wees, is nog nie ten
volle ontwikkel nie. ‘n Realiteit wat ons beslis sal moet oorkom, is
dat die produsente wat die meeste tegnologie benodig om te
oorleef, nie noodwendig dié is wat die geld het om dit te laat
ontwikkel nie.
Die uitstallings van die insetverskaffers was absoluut indrukwek-
kend en die koste aan demonstrasies was ‘n toonbeeld van geld
en nie van ‘n gesukkel nie. Tog het dit geblyk dat ons Amerikaanse
eweknieë nie noodwendig meer geld as ons maak nie. Dít het ek
van ons eie produsente hoor sê.
Dit is lekker om weer tuis te wees, skaaptjops te eet en in jou eie
bed te slaap. Ek slaap gerus, want ek weet dat die wêreld nie sommer
sonder kos sal wees met alles wat nog op pad is en met die ken-
nis oor graanproduksie nie. Wie dit eendag gaan produseer, is seker
‘n ope vraag.
As ek sien hoe ons produsente se vernuftigheid met dié van die
VSA vergelyk, sal ons beslis een van die lande wees wat nog gaan
produseer
.
Nuwe tegnologie bly belangrik
vir Suid-Afrika
JANNIE DE VILLIERS,
uitvoerende hoofbestuurder/CEO
“
...produsente wat
die meeste tegnologie
benodig om te oorleef,
is nie noodwendig dié
wat die geld het
om dit te laat
ontwikkel nie.
“
STANDPUNT
POINT OF VIEW
Graan SA
Oktober 2017