3 / 44
1
January 2017
MEDEWERKERS
vir hierdie uitgawe
Vicky Coetzee, Jannie de Villiers, Alzena Gomes, Sonia-Mari Greyling-Joubert, Koos Kirsten, Rikus Kloppers, Dirk Kotzé, Petro Kotzé, Louise Kunz, Corné Louw,
Dawie Roodt, Aneen Schoeman, Gerrie Smit, Luan van der Walt en Anita van Zyl
m
y ma se familie het onlangs ‘n saamtrek
op ons plaas gehou. Dit was te heerlik om
weer al die ooms en tantes, niggies en ne-
fies te sien. Dit bly mos nou maar eenmaal
‘n heerlike affêre met baie lag en “onthou
jy nog’s” as ‘n familie bymekaarkom!
My oom Morkel het ‘n spesiale verrassing vir elkeen gehad:
‘n Klein bakkie alikreukel – soos wat Ouma dit altyd gaar-
gemaak het. Toe ek daardie bakkie oopmaak, daaraan ruik
en die eerste hap vat, was ek in ‘n ommesientjie terug op
Waenhuiskrans in die ou, blink karavaan op Plot 1. Want
sien, die Hoffmanns, Waenhuiskrans, Desember en Plot 1
is sinoniem.
Elke jaar het hulle as gesin vir die hele Desembervakan-
sie Waenhuiskrans toe gegaan. En hul kinders ná hulle. En
nou óns met óns kinders: Tradisie. Diegene wat om een of
ander rede nie meer kán gaan nie, dink met nostalgie terug
aan dié seevakansies.
Net so is daar op ons plase baie voorwerpe, geboue of
dalk ‘n swemgat wat ons met nostalgie laat terugdink aan
“die goeie ou dae”. Juis daarom het ons besluit om hierdie
jaar die Graan SA/Sasol-fotokompetisietema “plaasnostal-
gie” te maak, want ons weet ons lesers is erg oor tradisie en
dié goed wat die hartsnare raak.
So as jy voorheen al gedink het jy wil nog eendag inskryf,
is dit nóú jou kans. Sasol het die prysgeld vir die maand-
en jaarwenners hierdie jaar ook ruimhartig vergroot – iets
waarvoor
SA Graan/Grain
opreg dankbaar is.
Graangids 2017
Nog ‘n gevestigde tradisie is die landbou-naslaangids,
Graangids
, wat saam met die Januarie-uitgawe van
SA Graan/Grain
uitgepos word. Ons is baie trots op die gids
wat oor die afgelope paar jaar gegroei het tot die volwaar-
dige publikasie wat dit vandag is. Dit is beslis ‘n bêreboek
wat heeljaar naby die telefoon ‘n plekkie moet hê. Dankie
ook aan die insetverskaffers en ander adverteerders wat
getrou aan die
Graangids
deelneem.
Groete tot volgende maand
ESTIE DE VILLIERS,
redakteur
VOORPUNT
D
it is amper weer tyd vir Graan SA se Kongres
in Maartmaand. Dit word, soos gewoonlik,
voorafgegaan deur ‘n reeks streeksvergaderings.
Volgens
DIRK KOTZÉ
(Graan SA) –
bladsy 9
– is
die doel van die streeksvergaderings om soveel
as moontlik lede te bereik en op persoonlike
vlak met hul te kommunikeer oor Graan SA se
doen en late. Die datums van die vergaderings
is by
www.grainsa.co.zabeskikbaar.
O
p
bladsy 28
kyk
DAWIE ROODT
(ekonoom) in
ons kwartaallikse politieke ontleding-rubriek
na politieke risiko’s en hoe om dit te bestuur. Hy is
van mening dat daar steeds wonderlike geleent-
hede in Afrika en in Suid-Afrika is. Ongelukkig is
dit óók so dat daar heelwat onnodige risiko’s en
hindernisse is, wat dit ‘n uitdaging maak om hier
besigheid te doen.
D
aar is nie nuwe blaarsiek-
tes in Suid-Afrika waarop
produsente bedag moet wees
nie. Dit is gewoonlik eerder die
voorkoms van siektes in areas
waar dit voorheen minder van
belang was, wat verras. Dit is
dikwels die direkte gevolg van
klimaatstoestande wat ver-
ander. Daarom is dit belangrik
dat produsente die bekende blaarsiektes op
mielies kan herken en ook weet wanneer ‘n mens
kan verwag om dit teë te kom. Op
bladsy 10
gee
RIKUS KLOPPERS
en
VICKY COETZEE
(DuPont-navorsing) aan ons lesers meer inligting
(en foto’s) oor die bekende blaarsiektes.
Ontmoet ons
medewerkers...
g
ebore en getoë in Germis-
ton, Gauteng, het Sonia-
Mari Greyling-Joubert na
skool haar BSc in Plant-
kunde en Biochemie aan
die Universiteit van Jo-
hannesburg (UJ) verwerf, waarna sy
haar honneurs- en meestersgrade in
Plantkunde en Plant-biotegnologie by UJ voltooi het. In 2013
het sy as Professionele Ontwikkelingsprogram (PDP)-intern
by die LNR-IGG in Potchefstroom begin werk, terwyl sy haar
PhD aan die Universiteit van die Vrystaat voltooi het. Op die
oomblik bestudeer sy die Fusarium-mielie-interaksie met die
oog daarop om die swam beter te verstaan, sodat infeksie in
mielies hopelik beheer kan word. Sy is onlangs getroud en
het nog nie kinders nie (behalwe as hondekinders tel). Sy
vertel dat sy meer stokperdjies het as wat sy kan tel, want sy
raak vinnig verveeld daarmee en probeer dan iets nuuts.
Lees gerus haar artikel oor
Gibberella on maize, sorghum and
wheat
op
bladsy 24
.