113 / 116
Jeep is voor met bybehore
w
anneer ‘n man met ‘n 4x4-voertuig ernstige veld-
rytoestande wil aandurf, sal hy gou agterkom
dat sy voertuig heeltemal ontoereikend is. Goed
soos ‘n wen-as, bosbreker en rolstawe kom as
gevolg van veral die reëls van die Europese Veilig-
heidstandaard Organisasie nie standaard nie.
Dit is ‘n belangrike faktor wat ‘n man in gedagte moet hou as hy
‘n 4x4-voertuig koop. Die vraag moet opkom of hy wel daardie
nodige toebehore vanaf die handelaar sal kan verkry? In baie gevalle
kom die waarborgvoorwaardes in gedrang as daar veranderinge
aan die voertuig aangebring word, soos om die onderstel hoër of
stywer te maak.
Die voordeel van Jeep-voertuie is dat hulle ‘n gespesialiseerde
maatskappy het wat alle toebehore wat ‘n Jeep-eienaar sal benodig,
sal kan verskaf sonder dat die Jeep-waarborgvoordele in gedrang
kom. Hierdie maatskappy is Mopar.
Mopar is nou ook al vir meer as drie jaar in Suid-Afrika gevestig om
voornemende en huidige Jeep-eienaars met hulle toebehore by te
staan. ‘n Interessante brokkie inligting is dat Jeep die voertuig in die
wêreld is wat die meeste met bybehore toegerus word.
In die VSA verkies Jeep-eienaars toebehore wat die voertuig beter
laat vertoon, terwyl die res van die wêreld toerusting bysit wat die
funksionaliteit van die voertuig sal verhoog. Bygaande foto‘s wys
wat die moontlikhede is met ‘n Jeep-en-Moparkombinasie. Vir meer
inligting oor toebehore vir jou Jeep, besoek gerus Mopar se webwerf
www.mopar.co.za .1: Hierdie demonstrasie-weergawe van ‘n Jeep Wrangler Rubicon-
model wys wat gedoen kan word. Hier kan die toekomstige eienaar sy
Jeep Wrangler bestel met ‘n oranjekleurige mat. Wanneer die voertuig
by die handelaar aankom, kan hy reël dat die onderstel deur ‘n Mopar-
onderstelverhogingspakket met 4 cm gelig word. Deur die onderstel te
verhoog, is daar meer bewegingsruimte vir die groter 17-duim
BF Goodrich grondpadbande wanneer daar veral deur klipperige terrein
beweeg word. Verder is van Mopar se voor- en agterbuffers geïnstalleer
om die voertuig in bosagtige terrein te beskerm en sommer om ook rof
en gevaarlik te lyk.
2: Hierdie Mopar-demonstrasiemodel van die Jeep Wrangler Unlimited
Rubicon lyk baie militaristies en word die ”Stealth“ genoem. Stealth
verwys na die Amerikaanse vliegtuie wat plat gebou en grys geverf is
met die idee om onopsigtelik die vyand te benader.
3: Hierdie Jeep met sy Mopar-toebehore is egter nie onopsigtelik nie.
Dit staan ver uit met sy groot breë wiele, bosbrekers, kanttrappe en
rolstawe. Die Mopar-enjinkap het ook ‘n luginlaat om die enjin te help
ventileer wanneer daar hard gewerk word om oor slegte terrein te
beweeg.
GERRIE SMIT,
lid van die SA Motorskrywersgilde
WIELE
vir die plaas
111
March 2016
1
2
3